Уй-хир вăранчĕ те унта трактор-машина сасси кĕрлеме пуçларĕ. Районти пур хуçалăхсенче те тенĕ пекех ака-суха ĕçĕсем пуçланнă. Чылай хуçалăхра нумай çул ỹсекен курăксене, кĕр тыррисене, çĕртмене сỹрелеççĕ, нумай çул ỹсекен курăксене апатлантараççĕ. Вăрлăх валли пĕлтĕр çĕрулми 5 пин тонна хывнă, 4300 тоннине суйласа яровизацилеме кăларнă. "Искра" колхоз, "Слава" ял хуçалăх кооперативĕ 120-шер гектар урпа, "Труд" хуçалăх 40 гектар пăрçа, Минатуллин фермер хуçалăхĕнче сĕлĕ акнă. Ака ĕçĕ малалла пырать. 9 хуçалăхра вăрлăха имçамлаççĕ. Çак ĕçе 400 тонна пурнăçланă.