Аслă Çĕнтерỹ уявĕ çывхарнă май, район администрацийĕнче уява анлăн ирттерес тесе хатĕрленме пуçларĕç. Çак ятпа нумаях пулмасть район пуçлăхĕн ĕç пỹлĕмĕнче пуху иртрĕ. Ăна район администрацийĕн управляющийĕ Ю.В. Скворцов ертсе пычĕ. Паянхи куна пирĕн районта 123 ĕçпе вăрçă ветеранĕ пурăнать. Шел пулин те, вĕсен йышĕ кашни çулах чакса пырать. Аслă Отечественнăй вăр-çа хутшăннă салтаксен ячĕпе кашни çулах районта митинг ирттереççĕ. Çавăнпа та палăксем йĕри-тавра, парксене тирпейлемелле, тасатмалла. Кунти картасене те юсамалла. Районти вĕрентỹ управленийĕн начальникĕн çумĕ В.С.Васильев майăн 9-мĕшĕнче иртекен мероприятин сценарийĕпе паллаштарчĕ.