Раççей Федераллă налук службин Чăваш Республикинчи управленийĕ шкул ачисем хушшинче ирттернĕ налук тематикипе çыхăннă сочиненисен конкурсне пĕтĕмлетнĕ. Унта 100 ытла ĕç тăратнă. Вĕсен шутĕнче пирĕн районти шкулсенче вĕренекенсем те хутшăннă. Хырай Ĕнел вăтам шкулĕнчи Анастасия Костяковăн "Платить налоги - служить Отечеству" сочиненийĕ малти вырăн йышăннă. Çĕнтерỹçĕне ЧР районсем хушшинчи 2-мĕш номерлĕ налук службин инспекцийĕн ертỹçи Е.И.Чернов саламланă, экзаменсене лайăх тытма ăнăçу суннă. Ăна валли инспекцин кабинечĕсем тăрăх экскурси йĕркеленĕ. Хисеп грамотине тата парнене шкулта юлашки шăнкăрав вăхăтĕнче савăнăçлă лару-тăрура Хырай Ĕнел вăтам шкулĕн директорĕ Л.А.Макарова пачĕ. Хĕрачана малашнехи пурнăçра çитĕнỹсем сунчĕ.