Пĕтĕм Раççейри ял хуçалăх çыравне ирттерес енĕпе районта хатĕрленỹ ĕçĕсем малалла пыраççĕ. Комсомольски тата Чĕчкен ял поселенийĕсенче координаци центрĕсем туса хунă. Вĕсене В.А.Дяткина тата Р.М.Шарафутдинов ертсе пыраççĕ. Кунсăр пуçне июнĕн 7-мĕшĕнчен инструкторсем ĕçлеме пуçлаççĕ. Пирĕн районти 54 ялта 65 çыравçă пулать. Вĕсем июнĕн 24-30-мĕшĕсенче хăйсен участокĕсенчи килсем тăрăх çỹресе çырав условийĕсемпе паллаштараççĕ.