Республикăри социаллă хỹтлĕх министерстви çулсеренех инвалидсем хушшинче спорт ăмăртăвĕсем ирттерет. Кăçал зонăри ăмăртусем пирĕн районта пулчĕç. Унпа хамăр тăрăхри инвалид-спортсменсемпе пĕрлех Елчĕк районĕнчи спорта юратакансем те хутшăнчĕç. Шашкăлла выляса арçынсем хушшинче Çĕнĕ Сĕнтĕрти С.Зайцева çитекенни пулмарĕ. Комсомольскинчи Ф.Мамуткинпа Асанкассинчи А.Таркин иккĕмĕшпе виççĕмĕш вырăнсене тивĕçрĕç. Хĕрарăмсем хушшинче те комсомольскисем палăрчĕç. Н.Степановапа Н.Трофимова пĕрремĕшпе иккĕмĕш вырăнсене пайларĕç. И.Агеева (Елчĕк) виççĕмĕш вырăнта пулчĕ. Дартс - хăйнеевĕрлĕ вăйă. Унта Елчĕкрен килнĕ Г.Сайкин мала тухрĕ. Комсомольскинчи В.Ивановпа Р.Моисеев - иккĕмĕш тата виççĕмĕш вырăнсенче. Хĕрарăмсем хушшинче те тупăшу хĕрỹ иртрĕ. Кунта чи пултарулли И.Агеева (Елчĕк районĕ) пулчĕ. Çĕнтерỹçĕсене республикăри инвалидсен обществин председателĕ М.Кузьминых, районти социаллă хỹтлĕх пайĕн начальникĕ И.Никитина тата ыттисем те саламларĕç. Мала тухнисем "Пĕрлĕхлĕ Раççей" партин тата ытти организацисен парнисене тивĕçрĕç.