Çĕнĕ вĕренỹ çулĕ пуçланнă кун пирĕн районти вĕренекенсемпе вĕрентекенсене саламлама ЧР Президент администрацийĕн пай начальникĕ В.М.Алентьев, культура, национальноçсен ĕçĕсен, информаци политикин тата архив ĕçĕсен министрĕн çумĕ О.Ф.Петров килнĕ. В.М.Алентьев Хырхĕрри пĕтĕмĕшле пĕлỹ паракан тĕп шкулĕнче, О.Ф.Петров Комсомольски 1-мĕш, район пуçлăхĕ Г.Ф.Волков Комсомольски иккĕмĕш вăтам шкулĕсенче пулнă. Ачасене тарăн пĕлỹ илме, вĕрентекенсене тăрăшса ĕçлеме ăнăçу суннă. Геннадий Федорович Комсомольски иккĕмĕш вăтам шкулне "Вĕрентỹ" наци проекчĕпе килĕшỹллĕн йĕркеленĕ конкурсра çĕнсе илнĕ (пĕр миллион тенкĕлĕх) Грант çинчен свидетельство панă.