Сентябрь уйăхĕн 15-мĕшĕнче наци кĕрешĕвне аталантарас, спортра чи маттуррисене палăртас енĕпе "Тутарла кĕрешỹ" наци-спорт ăмăртăвĕн Чăваш Республикинчи Федераци Советне йĕркеленĕ. Унăн никĕслевçи - "Чăваш Республикинчи Пĕтĕм тутарсен общество центрĕн" Президенчĕ Фарит Гибатдинов. Çавăн пекех организаторсенчен пĕри РФ "Татар кĕрешỹ" ревизи комиссийĕн председателĕ Ильгиз Ахунович Мингазов. Фарит Чубатовпа Рашит Хамбиков чемпионсене федераци советне ертсе пыма шаннă. Çавăн пекех ытти чылай ăста спортсменсемпе тренерсем те совет йышне кĕнĕ.