Сентябрĕн 17-мĕшĕнче Шупашкарта нацисен кросĕ пулса иртнĕ. Унта пирĕн районтан 100 спортсмен хутшăннă. Чăн малтанах спорт ветеранĕсем С.Зубаревпа А.Горбунов старта тухнă. "Манăн малтанхи кросс Берлин çумĕнчи аэродромра иртрĕ. Пĕр çухрăма чупса пĕрремĕш вырăн йышăнтăм. Çакă 1946 çулта пулчĕ. Унтанпах спортпа тачă çыхăну тытатăп",- терĕ спорт ветеранĕ. Ун хыççăн А.Горбунов сăмах илчĕ. Шкулсен командисем старта тухрĕç. Комсомольскинчи пĕрремĕшпе иккĕмĕш, Урмаелĕнчи, Хирти Явăшри, Тăманлă Выçлири, Хырай Ĕнелĕнчи, Шурутри вăтам шкулсен, Александровкăри тулли мар шкул командисем Нацисен кросне хутшăнса ырă тĕслĕх кăтартрĕç, лайăх результатсем турĕç. Халĕ спортсменсем "Советскя Чувашия" хаçатăн А.Г.Николаев ячĕллĕ призне илессишĕн ăмăртăва хатĕрленеççĕ.