Комсомольскинчи 2-мĕш вăтам шкулта "Урожай" спорт обществин Федерацийĕн арçынсем хушшинче волейбол турнирĕ иртрĕ. Турнира пурĕ 7 команда хутшăнчĕ: Комсомольски, Урмаел, Шурут, Нĕркеç, Асанкасси ял поселенийĕсем, Комсомольски 2-мĕш вăтам шкул спортсменĕсем тата "Чăвашрегионгаз" ОАО ĕçченĕсем. Волейбол турнирĕ пуçланас умĕн спортсменсене район пуçлăхĕ Г.Волков, республикăри "Урожай" физкультурăпа спорт обществин директорĕн ĕçĕсене туса пыраканĕ В.Питаков тата ыттисем те саламларĕç, ăнăçу сунчĕç. Чи малтанах площадкăна Комсомольски 2-мĕш вăтам шкулĕпе урмаелсем тухрĕç, хуçасем çĕнтерчĕç. Нĕркеç тата Асанкасси спортсменĕсен тупăшăвĕсенче вара нĕркеçсем маттуррисем пулчĕç. Вĕсем хыççăн вăйă площадкине шурутсемпе комсомольскисем тăчĕç: касалсем çĕнтерчĕç.

Юлашки тупăшура спортсменсене çăмăлах пулмарĕ. Кашниех аван, вăйлă вылять. Çапах та Комсомольски ял поселени спортсменĕсене çитекенни пулмарĕ. Вĕсем 2:1 шутпа пĕрремĕш вырăн çĕнсе илчĕç. Нĕркеçсем иккĕмĕш, Комсомольски 2-мĕш вăтам шкулĕ виççĕмĕш пулчĕç. Çĕнтерỹçĕсем волейбол формин комплекчĕпе футболкăсене тивĕçрĕç.