Октябрĕн 31-мĕшĕнче районти çарĕç комиссариатĕнче призывниксен кунĕ пулчĕ. Планпа килĕшỹллĕн, кĕрхи призывпа 27 çамрăк çара каймалла. Анчах та хăшĕ-пĕри çак кун та çар ĕç комиссариатне килмерĕç. Ытларах Асанкасси, Шурут, Комсомольски, Александровка, Урмаел ял поселенийĕсенчи çамрăксем салтака каяс тĕллевлĕ. Вĕсем çара кайма тивĕçнишĕн савăнаççĕ те. Каччăсене районти çар ĕç комиссарĕн ĕçне пурнăçлаканĕ С.Н.Павлов капитан саламларĕ. Вĕсене хăюллă та патвар пулма, район чысне çỹлти шайра тытма чĕнчĕ. Яшсем хăйсем ăçта службăра пулассине те пĕлеççĕ. Вĕсене çарĕç комиссариачĕн ĕçченĕсем лайăх чаçсене вырнаçтарма тăрăшаççĕ. Район пуçлăхĕ Г.Ф.Волков çара кайма 20 яхăн çамрăка повестка парса саламларĕ. Çар ретĕнче яланах çирĕп вăй-халлă, спортпа туслă пулмаллине каларĕ. Г.В.Смирнов çак кунсенче службăран таврăннă. Гера каччăсене салтак пурнăçĕпе паллаштарчĕ. Ноябрĕн 11-мĕшĕнче пуçламăш призывпа каччăсене çара ăсатаççĕ. Вĕсене Канаш хулинчи призыв пунктĕнче çар тумĕпе тивĕçтерсе тĕрлĕ хулана хăйсен тивĕçне пурнăçлама илсе каяççĕ. Каччăсене çирĕп сывлăх, чăтăмлăх, тăван киле тĕрĕс-тĕкел таврăнма сунатпăр.