Асанкасси культура çурчĕ районти "Успех-2006" смотр-конкурсра çĕнтернĕ. Çак ятпа тата ял хуçалăх ĕçченĕсен кунне уявласа унта концерт иртнĕ. Залра "Уй-хир тулли тырри-пулли" выставка йĕркеленĕ. Унта ял хуçалăх продукцине вырнаçтарнă. Çавăн пекех ачасем ăсталанă япаласемпе те паллашма май пулнă. Куракансене 3-4-мĕш классенче вĕренекен А.Белков, Д.Катмаков, Л.Кураков, А.Степанов, А.Аврелькина, К.Белкова ĕçĕсем кăмăла кайнă. Ял ĕçченĕсене "Асаново" ял хуçалăх кооперативĕн председателĕ Н.М.Копташкин саламланă. Уява килнисене "Çăлкуç" ансамбль, тĕрлĕ конкурссен лауреачĕ Д.Карпова вĕренекен, юрăçă тата хăй тĕллĕн вĕреннĕ композитор Н.Маргиданов, Е.Маштанова тата ыттисем те çепĕç юрăсем парнеленĕ.