Ноябрĕн 30-мĕшĕнче Тукай ялĕнче те тĕслĕх библиотекине уçрĕç. Ял çыннисене райадминистрацин ĕçĕсен управляющийĕ Ю.Скворцов, культура пайĕн специалисчĕ З.Мельникова, "Рассвет" ЯХПК председателĕ М.Афанасьев, тукайсен ентешĕ, Г.Уткин çыравçă саламланă. Н.Землемерова библиотека çинчен хăй хайланă сăввине вуланă. Чи лайăх вулакан М.Краснова хăйĕн библиотекинчи кĕнекисене парнеленĕ. Халĕ библиотекăра 10 пин кĕнеке. Çак кун вара вăл татах та çĕнĕ кĕнекесемпе, видео- тата аудио аппаратурăпа пуянланчĕ. Çакă ял халăхĕшĕн пысăк парне. Библиотекăна 1937 çулта уçнă. Унтанпа вăл аталансах пынă. Моделлĕ библиотека вара çак енĕпе тунă çĕнĕ утăм.