Районта алă вăйне виçес енĕпе ăмăртакансем йышлансах пыраççĕ. Çакна шкулсенче вĕренекенсем, предприяти, учреждени, ял поселенийĕсенче ĕçлекенсем хушшинче армрестлинг енĕпе районта иртнĕ турнир та çирĕплетрĕ. Унта хутшăнакансем чылайăн пулчĕç. 52 килограмлă виçе категорийĕнче Комсомольски 2-мĕш вăтам шкулĕн вĕренекенĕ А.Юманов пĕрремĕш вырăн йышăнчĕ. И.Хисамутдиновпа (Урмаел) Н.Степанов (Комсомольски 1-мĕш вăтам шкулĕ) иккĕмĕшпе виççĕмĕш вырăнсене пайларĕç. 58 килограмлисем хушшинче те тытăçусем хĕрỹ иртрĕç. Кунта Комсомольски 1-мĕш вăтам шкулĕнчи И.Алеев палăрчĕ. Тăманлă Выçли тата Урмаел вăтам шкулĕсенче пĕлỹ илекен А.Фадеевпа И.Юманков иккĕмĕшпе виççĕмĕш вырăнсем йышăнчĕç. А.Толмачев (Комсомольски 1-мĕш вăтам шкулĕ), М.Иванов (Хирти Мăнтăр вăтам шкулĕ), В.Сидоров (Анат Тимĕрчкасси вăтам шкулĕ) 65 килограмлă категориллĕ виçере 1-3-мĕш вырăнсене çĕнсе илчĕç. 73 килограмлă виçере Э.Иванов (Анат Тимĕрчкасси), С.Яковлев (Тăманлă Выçли), М.Халитов (Хирти Явăш) мала тухрĕç. Комсомольски 2-мĕш вăтам шкулĕнче вĕренекен Р.Зейнетдинов, Тукай Мишер вăтам шкулĕнчи И.Ямалетдиновпа И.Зайнуллин 73 килограмран ытларах виçере çĕнтерчĕç. Хĕрсем те çак спорт енĕпе палăрса тăраççĕ. 45 килограмлă виçере М.Бахтерова (Асанкасси), И.Ефремова (Хирти Мăнтăр), А.Фадеева (Çĕнĕ Мăрат), 52 килограмлă виçере Ю.Яковлева (Тăманлă Выçли), Г.Шарапова (Урмаел), А.Пыркина (Шурут), 58 килограмлă виçере А.Морозова (Шурут), Е.Кольцова (Çĕнĕ Мăрат), Л.Салеева (Аслă Чурачăк) ăнăçлă ăмăртнă. Малти вырăнсене Шурутри М.Волкова, А.Макова, Урмаелĕнчи Л.Алиуллина, Комсомольски 2-мĕш вăтам шкулĕнчи Р.Хайртдинова та çĕнсе илнĕ. Шкулсем хушшинче Урмаел вăтам шкулĕн спортсменĕсем мала тухнă. Асанкассисемпе шурутсем - 2-3-мĕш вырăнсенче. Ял поселенийĕсем хушшинче Аслă Çĕрпỹел ял поселенийĕ мала тухнă. Иккĕмĕш вырăнта - урмаелсем. Хирти Сĕнтĕр тата Эльпуç ял поселенийĕсен командисем 3-4-мĕш вырăнсене йышăннă. Çĕнтерỹçĕсем Хисеп грамотисене тата парнесене тивĕçнĕ.