ЧР Президенчĕ Н.Федоров кăçалхи çула "Ăс-хакăл çутлăхĕн çулталăкĕ" тесе палăрт-нăччĕ. Çак ятпа чылай меро-прияти иртнĕ. РФ Патшалăх думин депутачĕ П.Семенов та вĕсенчен айккинче юлмасть. "Единая Россия" партин Чăваш регионĕнчи уйрăмĕпе, ЧР Вĕрентỹ тата çамрăксен политикин министерствипе пĕрле "Манăн çемье, манăн ăру историйĕ" ятпа творчествăлла республикăри конкурса йĕркелет. Вăл кăçалхи ноябрĕн 30-мĕшĕнче пуçланнă, декабрĕн 20-мĕшĕччен тăсăлать. Унта 7-14 çулхи ачасем хутшăнаççĕ. Ку конкурса Комсомольски 1-мĕш вăтам шкулĕнче вĕренекенсем хастар хутшăннă. Çак ятпа унта РФ Патшалăх Думин депутачĕн П.Семеновăн обществăлла йышăну (приемная) делегацийĕ килсе кайнă. Вĕсемех Тукайри моделлĕ библиотекăра та пулса курнă. П.Семеновăн социаллă программăсен центрĕ республикăри "Ялти библиотекăсене - кĕнекесем" акцие хутшăннă май унта чăваш çыравçисен кĕнекисене парнелесе хăварнă.