Çĕнĕ Шупашкар хулинче панкратион (алă вăйĕпе кĕрешесси) енĕпе республика чемпионачĕ иртнĕ. Унта 7 команда, 150 спортсмен хутшăннă. Вĕсен йышĕнче пирĕн районти Тукай Мишер вăтам шкулĕнчи спортсменсем те пулнă. 1990-91 çулсенче çуралнă ачасем хушшинче 55 килограмлă виçере Р.Зайнуллин 2-мĕш вырăн çĕнсе илнĕ. 1992-93 çулсенчисем хушшинче И.Сафиуллин (42 килограмччен) 3-мĕш вырăн, И.Зайнуллин (75 килограмччен) 1-мĕш вырăн йышăннă. Р.Гибатдинов та лайăх енĕпе палăрнă. Вăл 1996_1997 çулсенчи сем хушшинче 30 килограмм таранхи виçере 2-мĕш вырăн йышăннă. Çĕнтерỹçĕсене медальсемпе, хаклă парнесемпе, Хисеп грамотисемпе наградăланă. Пирĕн районти спортсменсене Н.Зарипов тренер хатĕрленĕ. Вăл хăй те республикăри чылай ăмăртусенче палăрнă, пĕр хутчен çеç мар чемпион ята çĕнсе илнĕ.