Иртнĕ çул выльăх-чĕрлĕх отрасльне аталанма пулăшас тĕлĕшпе района республика бюджетĕнчен 2 миллион та 921 пин тенкĕ укçа куçарнă. Вĕсемпе пысăк продуктивлă ĕнесене тытса тăма тата ăратлă выльăх-чĕрлĕх туянма усă курмалла пулнă. Шел пулин те, 106 пин тенкине районта ĕçе кĕртеймен. Кăçал ăратлă выльăх туяннăшăн 1 килограмм виçешĕн 40 тенкĕ республика бюджетĕнчен тỹлеме палăртнă. "Агропромышленноçа аталантарасси" приоритетлă наци проекчĕпе килĕшỹллĕн "Искра" колхозра 2006 çулта 200 пуç вырнаçмалăх вите тума пуçланă. Çавăн пекех "Асаново" ял хуçалăх кооперативĕнче SAC маркăллă сĕт сумалли установка вырнаçтарнă. Кăçал "Луч" ял хуçалăх кооперативĕ сĕт-çу фермине реконструкцилеме заявка тăратнă.