Чăваш Ен правительстви рай- онсемпе ялсенче пурăнакансемпе тĕл пулса калаçма тĕрлĕ тĕлпулусем йĕркелет. Министерствăсемпе ведомствăсен специалисчĕсем районта тăтăшах пулаççĕ. Февралĕн 7-мĕшĕнче районта информаци кунĕ пулчĕ. Пирĕн тăрăх пурнăçĕпе паллашма Чăваш Республикин юстици министрĕн çумĕ М.А.Кузьмин, "Хыпар" хаçатăн тĕп редакторĕ А.П.Леонтьев килчĕç. Район администрацийĕн ĕçĕсен управляющийĕ Ю.В.Скворцов ертсе пынипе хăнасем Шурут ял поселенине çитрĕç. Пĕтĕмĕшле практика врачĕн уйрăмĕнчи ĕç-хĕлпе паллашрĕç. Кунта тăрăшуллă ĕçченсем вăй хураççĕ. Шурă халатлисем хăйсене шанса панă ĕçе чунне парса пурнăçлаççĕ. Уйрăма килекенсене, чирлисене вăхăтра пулăшу пама тăрăшаççĕ. Туслă коллективра ĕçĕ те ăнать. Офис уçăлнăранпах ăна Вера Васильевна Семенова ертсе пырать. Ĕçченсемпе халăх та кăмăллă. Уйрăмах ватă çынсем ялта çакăн пек офис пурришĕн хĕпĕртеççĕ. "Района кайса çỹреме йывăр. Ялта офис пурри пирĕншĕн пысăк çăмăллăх",- теççĕ вĕсем. Хăнасем ваттисен çуртне те кĕрсе тухрĕç, кунти ĕçĕ-хĕлпе интересленчĕç.