Ял хуçалăх кооперативĕсемпе колхозсем иртнĕ çул япăх ĕçлемен. Уй-хир культурисене тухăçлă çитĕнтернĕ, выльăх-чĕрлĕх продуктивлăхĕ те виçĕмçулхинчен аванах ỹснĕ. Продукци пулсан укçа-тенкĕ те хуçалăхсен кассине кĕрет. 2005 çулта пĕрлешỹллĕ хуçалăхсем пурĕ 42 миллион ытла тенкĕ таса тупăш илнĕ пулсан, 2006 çулта ку кăтарту 66 миллион урлă каçнă. Чи пысăк тупăш "Слава картофелю" агрофирма ОООра илнĕ. Вĕсем пĕлтĕр çĕрулмипе те, кишĕрпе те ĕçленĕ. "Восток", "Рассвет", "Урожай", "Труд" хуçалăхсенче те услам виçи темиçешер миллионпа танлашать.