Февралĕн 22-мĕшĕнче райадминистрацин пысăк залĕнче районти ветерансен совечĕн пленумĕ пулса иртнĕ. 20 çул каялла ветерансен организацине туса хунă куна паллă туса çак кун ветерансем ларăва пухăнчĕç. Савăнăçлă ларăва кĕске сăмах каласа райсовет председателĕн заместителĕ Р.Моисеев уçрĕ, вăл ветерансен совечĕн председательне Ю.С.Тимофеева сăмах пачĕ. Юрий Сергеевич çирĕм çулта туса ирттернĕ ĕçсемпе паллаштарчĕ тата çитес задачăсем пирки каласа пачĕ. И.Я.Галкин, Г.А.Титов ветерансем тата райадминистрацин çамрăксемпе ĕçлекен специалисчĕ Э.Д. Зинетуллина вăрçăра вилнисен палăкĕ умне чĕрĕ чечексемпе гирляндăсем хучĕç. Доклад хыççăн Г.А.Титов, В.И.Пундяков, А.Б.Мустафина, Г.Г.Скворцов, Н.Е.Сергеев ветерансем тухса калаçрĕç, кирлĕ сĕнỹсем, канашсем пачĕç. Доклада пĕтĕмлетсе район пуçлăхĕ Г.Ф.Волков тухса калаçрĕ. Вăл район çитĕнĕвĕсемпе паллаштарчĕ, çитменлĕхсем çинчен каларĕ. Юлашкинчен ветерансене тутлă апат-çимĕçпе сăйларĕç. Ваттисем "Уют" кафе-столовăйра ĕçлекенсене юбилей ячĕпе хăна тунăшăн чĕререн тав турĕç.