Юлашки çулсенче районта ял хуçалăх отраслĕпе ĕçлекен çĕнĕ пĕрлешỹллĕ хуçалăхсем çуралчĕç. Акă, "Нива" агрофирма çĕрулми туса илессипе малта пыракан технологие çулран-çул алла илсе пырать. Çĕршывра туса кăларнă, çĕр ĕçне пахалăхлă пурнăçлама май паракан техникăпа пуянланать. Кăçал кунта çĕрулми лаптăкне 150 гектара çитерме палăртнă. "Дубовка" ООО тĕштырă та, çĕрулми те çитĕнтерет. Выльăх-чĕрлĕх отрасльне те аталантарса пырать. "Сюрбеево" ОООра та сĕт, аш-какай туса илеççĕ, уй-хир культурисем акса хăвараççĕ. "Восход" агрофирма кăçал 150 гектар пĕрчĕллĕ тата пăрçа йышши тырăсем акса хăварнă. "Слава картофелю" агрофирма" ООО маларах çĕрулмипе çеç ĕçленĕ пулсан, халĕ вĕсем тĕштырăпа та, пахчаçимĕçпе те ĕçлеççĕ. Кунсăр пуçне уй-хиртен продукци илес енĕпе те, выльăх-чĕрлĕх ĕрчетес енĕпе те "Родина", Минатуллинăн, Атласкинăн, Семеновăн фермер хуçалăхĕсем тăрăшаççĕ. "Золотой колос" фермер хуçалăхĕ тырпул туса илет, çĕрулми те лартаççĕ. Паянхи кун районта ялхуçалăхĕнче 30 пĕрлешỹллĕ хуçалăх тăрăшать.