Кăçалхи çул çанталăк ял хуçалăх предприятийĕсем умне чылай чăрмав кăларса тăратрĕ. Çĕр пиçсе çитменни, хирсене кĕме май çукки ĕçсене вăраха ячĕç. Çапах та кашни уяр кунпа усă курса чылай ĕç тунă. Районĕпе майăн 29-мĕшĕ тĕлне 8835 гектар е акма палăртнă лаптăкăн 86 проценчĕ чухлĕ пĕрчĕллĕ тата пăрçа йышши тырăсем акнă. "Дружба", "Труд", "Асаново", "Изамбаево", "Восход", "Рассвет", Минатуллинăн хуçалăхĕсем çак ĕçе вĕçленĕ. Икĕ-виçĕ кунра татах та акса пĕтерме пултаракан хуçалăхсем пур. Çĕрулми планпа пăхнă тăрăх 3608 гектар çине лартмалла. Халь лĕхе ку ĕçе 1252 гектар çинче е 63 проценчĕ чухлĕ пурнăçланă. Районта ĕнерхи кун тĕлне "Победа" ял хуçалăх кооперативĕ çеç вĕçленĕ. Ку енĕпе "Асаново" ял хуçалăх кооперативĕнче, "Нива" агрофирмăра, "Пайгас", "Рассвет" хуçалăхсенче те ĕç аван пырать. Пĕрлешỹллĕ хуçалăхсем 900 гектар пĕр çул ỹсекен курăксем, 33 гектар сахăр кăшманĕ, 127 гектар выльăх кăшманĕ акнă. Кăçал сахăр кăшманĕ пе ĕçлеме 4 хуçалăх кăмăл тунă. 7 хуçалăх 33 гектар пахчаçимĕç акнă-лартнă. Ял хуçалăх кооперативĕсенче, колхозсенче, фермер хуçалăхĕ-сенче калчасемпе ĕçлеме те пуçланă. Вĕсене сỹрелеççĕ, çумкурăка хирĕç кĕрешсе имçамсем сапаççĕ. 310 гектар çинчи пĕтнĕ кĕр тыррисем вырăнне те çĕнĕрен акма тивнĕ.