Районти ача-пăча искусство шкулĕн дирекцийĕ районти пултаруллă ачасене тупса палăртас тĕллевпе ỹкерчĕксен конкурсне йĕркеленĕ. Çĕнтерỹçĕсене район пуçлăхĕн Г.Ф.Волковăн призне пама пулнă. Çак кунсенче ăна пĕтĕмлетнĕ. Чи лайăх ĕçсене районти "Çĕр тата çынсем" музея вырнаçтарса курав йĕркеленĕ. Вăл çу каçах ĕçлĕ. Июнĕн 1-мĕшĕнче, Пĕтĕм тĕнчери ачасене хỹтĕлемелли кун, район пуçлăхĕ Г.Ф.Волков çĕнтерỹçĕсене дипломсемпе парнесем парса саламларĕ. "Ачасенче пирĕн пуласлăх. Ĕмĕчĕсене, тĕнчене мĕнле курнине хăйсен куçĕпе асăрхаса ỹкерчĕксен урлă сăнарласа панă",- палăртрĕ ачасен выставкăна тăратнă ĕçĕсемпе паллашнă май. Конкурса шкул çулне çитейменнисем те, вĕренекенсем те хутшăннă. Комсомольски 1-мĕш тата 2-мĕш вăтам шкулĕсенче, район центрĕнчи "Рябинушка", "Колосок" ача сачĕсенче, Урмаел вăтам шкулĕнче тата çак ялти "Лейсан" ача садĕнче, Шурут, Хирти Явăш, Тăманлă Выçли, Аслă Чурачăк вăтам шкулĕсенче, Хирти Выçлире пуçламăш шкулта вĕренекенсен ỹкерчĕкĕсемпе музейри куравра паллашма пулĕ.