Информкунра çак темăсене сỹтсе явма палăртнă:

Чăваш Республикин 2014 çулхи экономикипе социаллă аталанăвĕн пĕтĕмлетĕвĕсем тата 2015 çулхи тĕллевсем çинчен; 2015 çулта çул-йĕр тăвас ĕç çинчен. Кунсăр пуçне çурхи ака ĕçĕсене хатĕрленес, Аслă Отечественнăй вăрçăра çĕнтернĕренпе 70 çул çитнине кĕтсе илнĕ май тумалли ĕçсем çинчен те сăмах хускатĕç.

Пирĕн района Информаци кунне ирттерме Чăваш Республикин Патшалăх Канашĕн социаллă политика тата наци ыйтăвĕсен комитечĕн председателĕ П.С.Краснов ертсе пыракан ушкăн килет. Информушкăнсем районти ял тăрăхĕсене, ĕç коллективĕсене çитĕç. Ял çыннисем унта хутшăнса хăйсене хумхантаракан ыйтусене пама пултараççĕ.

Хисеплĕ вулакансем!

Информаци ушкăнĕ районта пурăнакансене харпăр хăй ыйтăвĕсемпе те йышăнать. Йышăну пирки ыйтса пĕлмелли телефон - 5-12-64 (райадминистрацин йĕркелỹ ĕçĕсен пайĕ).