"Ача-пăча тĕнчи" номинацире палăрнă кĕнеке
Александровка ял библиотекинче "Литературăллă Чăваш Ен: чи нумай вуланакан кĕнеке" конкурса пĕтĕмлетсе мероприяти иртрĕ.
Мероприятие Александровка тĕп шкулĕнчи 1-4-мĕш классенче вĕренекенсем хутшăнчĕç.Маларах ачасем конкурса хутшăнакан кĕнекесемпе тĕплĕн паллашнăччĕ. Пурте пĕр саслăн пулса, "Ача-пăча тĕнчи" номинацире Юрий Сементер сăвăçпа Аристарх Дмитриев куçаруçăн "Сехетсен çĕршывĕнче" ятлă кĕнекине суйласа илчĕç. "Мĕншĕн илĕртрĕ-ха ку кĕнеке?" - тесе ыйтсан, ачасен хуравĕсем тĕрлĕрен пулчĕç. Пĕрне вăл капăр ỹкерчĕксемшĕн, теприне кĕнеке чăвашла тата вырăсла пулнипе, теприне тата математика урокĕсенче пулăшнипе ки-лĕшнĕ. "Сехетсен çĕршывĕ" тата мĕнле кăткăс та пуян! Кристина Кокшина автан-сехет çинчен çырнă сăвва юратса вуларĕ, Анна Невская хĕвел-сехет çинче чарăнса тăчĕ. "Хĕвел те, автан та вăхăта пĕлсе, ир пулнине систерсе халăха вăратаççĕ", - тĕлĕнеççĕ ачасем. Кĕнеке авторĕсем çинчен тата мĕнле кăна ырă сăмахсем каларĕç. Кĕнеке тăрăх ỹкернĕ ỹкерчĕксене те пăхма кăмăллă пулчĕ. Хăшĕ-пĕрисем тата сехет те ăсталанă. Уйрăмах Анжелика Потаповăна палăртса хăварас килет.
Киле саланнă май вĕренекенсем кашни ĕçĕн хăйĕн вăхăчĕ пур, вăхăта хаклама мĕн ачаран вĕренмелле тесе пĕтĕмлетỹ турĕç.
В.ПОТАПОВА,
библиотекарь.