Мускавра Пĕтĕм Раççейри "Единая Россия" политика партийĕн ХV съезчĕн пĕрремĕш тапхăрĕ иртнĕ.

Съездра партин суйлав умĕнхи сасăлавĕ çинчен калакан положени, Аслă тата Генеральнăй канашăн кадр ротацийĕ, тĕп тĕрĕслев комиссийĕ - вĕсене пурне те парти уставĕпе пăхса хăварнă - тĕлĕшпе йышăнусем тунă.

Парти председателĕн Дмитрий Медведевăн докладĕнче экономикăн халĕ пурнăçланакан пĕтĕм çул-йĕрне сыхласа хăварасси, халăхăн социаллă хỹтлĕхсĕр пайне пулăшасси, парти проекчĕсене малашне те ĕçлеттересси тĕп вырăнта пулнă. Çавсен шутĕнче - ял шкулĕсенчи спорт залĕсене тĕпрен юсаса çĕнетесси, шкулсен строительстви... Дмитрий Анатольевич халăха ахалех шантармалла мар тесе чĕнсе каланă: шантартăмăр пулсан ăна пирĕн пурнăçламаллах. Паянхи кун çавăн пек яваплăха хăй çине илме пултаракан политика вăйĕ урăх çук.

Çу уйăхĕн 22-мĕшĕнче партин малтанхи (суйлав умĕнхи) сасăлавне ирттермелле. Иккĕмĕш тапхăр - çĕртме уйăхĕнче, ун чухне "Единая Россия" партирен Патшалăх Думине суйланакан кандидатсен списокне çирĕплетĕç, çавăн пекех пирĕн республикăра - ЧР Патшалăх Канашне.