Кашни çулах Пĕтĕм тĕнчери музейсен кунне тĕпе хурса майăн 18-мĕшĕнче районти "Çĕр тата çынсем" халăх музейĕнче "Музейсен каçĕ" акци иртет.

Çак мероприяти умĕн эпир совет тапхăрĕнчи япаласене пухма пуçлатпăр. Акципе килĕшỹллĕн çав вăхăтри тумтирсене, атă-пушмака, кĕнекесене, тĕрлĕ документсене, сăнỹкерчĕксене, совет тапхăрĕнчи йăлари япаласене районти музее илсе килме пултаратăр.

Акци кунĕ тĕлне музейре "СССРа аса илетпĕр" курав йĕркелĕпĕр. Илсе килнĕ япаласем музей фондне пуянлатĕç.

А.ПОЛЯКОВА