Евгений Аркадьевич, Чăваш Республикин Президенчĕн урă та сывă пурнăç пирки йышăннă программи районта еплерех пурнăçланса пырать

( _ Ку енĕпе районта хамăр туса хатĕрленĕ программа та пур. Унта физкультурăпа спорт аталанăвĕ çине уйрăмах пысăк тимлĕх уйăрнă. Чи малтан спортăн пурлăх базине çирĕплетмелли пирки пĕлтерĕшлĕ мероприятисем палăртнă. Пирĕн районта 87 спорт сооруженийĕ пур. Вăл шутра 60 яхăн спорт площадки, 19 спортзал, 6 тир. Программăна тĕллевлĕ пурнăçласа пыни спорт енне туртăнакансен йышне ỹстерме май пачĕ. Халĕ районта спорта чи çывăххисем 4630 çын шутланать. Вĕсенчен предприятисемпе организацисенче ĕçлекенсем _ 1690, спорт шкулне 466 çамрăк çỹрет, "Кĕтне" спорт клубĕнче _ 90 спортсмен. Паян волейболистсен йышĕ 780 çынна çитрĕ, баскетболист-сем 168-ăн, ирĕклĕ майпа кĕрешекенсен шучĕ 580 çын, сĕтел çинчи теннисла выляма юратакансем 482-ĕн, 799 футболист, çăмăл атлетсем 753-ĕн, шашист-сем 136-ăн. Ку цифрăсем шкул ачисемпе пĕрле шутласа пулнă. Вĕсемпе 20 тренер ĕçлет.

 _ Евгений Аркадьевич, районта тĕрлĕ спорт ăмăртăвĕсем нумайрах иртеççĕ

( _ Çулсерен район шайĕнче 40 ытла спорт мероприятийĕ иртет. Унсăр пуçне шкулсем, кооперативсем хăйсен пуçарă-вĕпе кану, сывлăх кунĕсем, паллă ентешсене халалланă спорт ăмăртăвĕсем йĕркелеççĕ. Çакă вара ял çыннисене, çамрăксене спортпа татах та çывăхланма пулăшать. Акă, "Дружба" кооперативра Афган вăрçинче пуçĕ-сене хунă çамрăксене асăнса çулсерен минифутбол, Нĕркеçре П.Гладковăн шашка, Шурутра Ильин вице-адмиралăн _ шахмат, Тăманлă Выçлире В.Тумаков афганецăн волейбол, Анат Тимĕрчкассинче З.Ефремован волейбол, Хирти Мăнтăрта вăрçăра пуç хунисене асăнса волейбол турнирĕсем иртеççĕ. А.П.Капитонов вара Комсомольски 2-мĕш вăтам шкулĕнче волейбол площадкинче Раштав турнирне çỹллĕ шайра ирт-тересшĕн тăрăшать. Çавăн пекех тĕрлĕ уявсенче те нумай спорт мероприятийĕ пулать. Акă, Асанкассинче Çĕршыв сыхлавçисен кунĕнче ялти урамсен командисем волейбол площадкине тухаççĕ. Мартăн 8-мĕшĕнче вара ялти волейболисткăсем хăйсен пултарулăхне кăтартаççĕ. Çак ялтах Г.Рипанов летчик-истребитель ячĕпе те волейбол турнирĕ иртет. Кĕскен каласан, кашни коллективах спорт аталанăвне мĕнле те пулсан çĕнĕлĕх кĕртме тăрăшать. Кун пек ĕçлени вара спортсменсен ăсталăхне те ỹстерме пулăшать. Акă, халĕ районти 3198 çыннăн массăллă разряд пур. Пĕлтĕр виçĕ спортсмен мастер кандидачĕн нормативне пурнăçларĕ, 6-шĕ пĕрремĕш разряда тивĕçрĕ. _ Çак лару-тăру спорт коллективĕсен активлăхĕнчен килетех ĕнтĕ

( _ Вĕсене Физкультурниксен уявĕнче асăнса хăвармаллах.

 "Луч", "Асаново", "Дружба", "Труд" хуçалăхсенчи, шалти ĕçсен пайĕнчи спорт коллективĕсем районта иртекен спорт мероприятийĕсенче пысăк пуçарулăх кăтартаççĕ. Вĕсен руководителĕсене А.П.Капитонова, Н.М.Копташкина, Н.П.Носова, В.П.Николаева, В.А.Михайлова мĕнле-ха ырăпа асăнмăн( Юлашки вăхăтра ял администраци-йĕсем те пĕтĕм ăмăртусене хутшăнма пуçларĕç.

_ Физруксем пирки пĕр-икĕ сăмах(

_ Вĕсем пурте тăрăшуллă. Уйрăмах Н.Н.Ятманов, В.В.Белков, Г.Н.Петухов, А.Н.Артемьев, А.А.Казаков, Т.И.Волкова, Ф.Г.Рахимзянов, В.И.Плешков, Ю.В.Боровков пуçаруллă.

_ Евгений Аркадьевич, районта спортăн хăш енĕсем ытларах аталаннă

( _ Ирĕклĕ майпа кĕрешессинче, футболла, волейболла выляссинче, полиатлонра, шашка-шахмат хăмисем çинче тупăшассинче кăтартусем аван. Анчах та çăмăл атлетикăра, йĕлтĕрпе чупассинче республикăри ытти районсенчен каярах юлса пыратпăр.

 _ Уяв умĕн уйрăм спортсменсене аса илсе хăвармаллах пулĕ(

 _ Нумайăн вĕсем. Çапах та полиатлона чунтан парăннă Н.Н.Ятманова №спорт мастерĕ№, унăн ывăлне Женьăна №пĕрремĕш разряд№ аса илмесĕр мĕнле хăварăн. Çавăн пекех ирĕклĕ майпа кĕрешессипе уйрăмах палăрнă Артем Салаева, Андрей Денисова, Ирина Даниловăна, Оля Денисовăна №пурте Асанкассинчен№, Вячеслав Малышева №Комсомольски№ ăшă сăмахсем каламалла. Кăçал шкул ачисен районти пĕрлештернĕ волейбол команди республикăра виççĕмĕш вырăна тивĕçрĕ. Кунта вара Денис Александров №Аслă Чурачăк№, Александр Александров №Хирти Мăнтăр№, Александр Иванов №Нĕркеç№ ăста волейболистсем пулни пирки каламаллах. Уяв ячĕпе спортпа туслă Давыдовсен №Хирти Явăш№, Салаевсен №Асанкасси№ çемйисене те ăшă кăмăл-туйăмпа саламлатăп.

_ Паян спорт ветеранĕсене аса илесех пулать ĕнтĕ

( _ В.И.Пундяков, Ф.Б.Мамуткин, С.И.Зубарев, Ю.И.Зубарев тата ыттисем те №вĕсене каласа пĕтерме те çук№ паян та спорт ăмăртăвĕсенче лайăх кăтартусем тăваççĕ. Пире нумай пулăшаççĕ. Спорт аталанăвне район администрацийĕн пуçлăхĕ Г.Ф.Волков уйрăмах пысăк витĕм кỹнине палăртас килет. Вăл пĕр спорт мероприятийĕнчен те юлмасть, хăй те тăтăшах волейбол площадкине тухать, йĕлтĕр йĕрĕ çине тăрать.

 _ Евгений Аркадьевич, калаçушăн тавтапуç, юлашкинчен мĕн каланă пулăттăр

( _ Районти спортсменсене спортпа туслисене, физкультура учителĕсене, спорт коллективĕсен руководителĕсене, спорт ветеранĕсене, район çыннисене Физкультурниксен кунĕ ячĕпе ăшшăн саламлатăп, кулленхи ăнăçу, телей сунатăп.