Районта вырма ĕçĕсем вăй илсех пыраççĕ. ; Августăн 9-мĕшĕ тĕлне районти ялхуçалăх кооперативĕсемпе колхозсенче 2908 гектар е пĕтĕм лаптăкăн 26 процентне вырнă. Вырма "Слава", "Искра", "Кызыл сабанча" хуçалăхсенче, Минатуллинăн предприятийĕнче лайăх пырать. ; Кĕр тыррисем акма çĕр хатĕрлессине хăвăртлатмалла. Хальлĕхе районĕпе 1198 гектар çĕр хатĕрленĕ. Ку енĕпе "Восток", "Алга", "Луч", "Рассвет" ялхуçалăх кооперативĕсем ăнăçлă ĕçлесе пыраççĕ. ; Вырма пынă вăхăтрах ялхуçалăх кооперативĕсемпе колхозсем выльăх апачĕ хатĕрлес енĕпе те ĕçлеççĕ. Çỹлерех асăннă кун тĕлне районĕпе 5859 тонна утă, 31884 тонна сенаж хатĕрленĕ. Хуçалăхсем пурте нумай çул ỹсекен курăксене пĕр хут çулса пĕтернĕ, хăшĕ-пĕри иккĕмĕш хут çулассине те вĕçленĕ. Выльăх апачĕ хатĕрлес енĕпе "Восток", "Асаново", "Урожай", "Труд", "Искра" хуçалăхсем лайăх ĕçлеççĕ. ; Тырпултан пушаннă хире çийĕнчех улăм пуçтаракан, купалакан техника тухать. Минатуллинăн предприятийĕ, "Труд", "Слава", "Искра" ялхуçалăх кооперативĕсем улăма вăхăтра пуçтарса пыраççĕ. ; "Слава картофелю" агрофирма" ООО 3 гектар, "Слава" ялхуçалăх кооперативĕ 2 гектар ир пулакан çĕрулми кăларнă.

Первоисточник: "Каçал Ен"