Çумăрсем чăрмантараççĕ пулин те, вырма ĕçĕсем вăй илсех пыраççĕ. ; Районти ялхуçалăх кооперативĕсемпе колхозсем августăн 16-мĕшĕ тĕлне 4598 гектар е пĕтĕм лаптăкăн 41 проценчĕ чухлĕ пĕрчĕллĕ тата пăрçа йышши тырăсем вырнă. Çак кăтарту "Искра", "Труд", "Кызыл сабанча", Минатуллинăн хуçалă-хĕсенче 79_72 процентпа танлашать. "Красный Октябрь" тата "Правда" хуçалăхсенче вара тырпулăн 12 процентне çеç çулнă. ; 3809 гектар тырра çапса тĕшĕленĕ, йĕтемсем çине 68083 центнер тырă кĕнĕ. Тухăç хальлĕхе районĕпе кашни гектар пуçне 17,9 центнерпа танлашать. Чи пысăк тухăç _ "Слава" ялхуçалăх кооперативĕнче, кашни гектар пуçне 23,8 центнер. "Культура", "Луч", "Победа", "Пайгас", "Кызыл сабанча", "Рассвет" ялхуçалăх кооперативĕсенче, Минатуллинăн хуçалăхĕнче те тырă гектартан 20 центнер ытла тухать. ; 2407 гектар çинчен улăм пуçтарнă. "Искра", "Асаново", "Заря", "Кызыл сабанча" хуçалăхсенче тырпултан пушаннă хирсенче улăма çийĕнчех пуçтарса урана хурса пыраççĕ. ; Хуçалăхсем кĕр тыррисем акма çĕр хатĕрлес енĕпе ĕçлеççĕ. Августăн 16-мĕшĕ тĕлне районĕпе 1538 гектар çĕр хатĕр-ленĕ. "Восток", "Урожай" хуçалăхсен 200_160 гектар хатĕр çĕр пур. ; Районĕпе 884 гектар çинче çĕртме тунă. Ку ĕçе 10 хуçалăхра пуçăннă. Сухалас енĕпе "Асаново", "Восток", "Урожай, "Луч" хуçалăхсем уйрăмах ăнăçлă ĕçлеççĕ. ; "Слава" тата "Слава картофелю" агрофирма" ОООра çĕрулми кăларнă. ; Выльăх апачĕ хатĕрлес енĕ-пе малалла ĕçлеççĕ. 5008 гектар нумай çул, 2585 гектар пĕр çул ỹсекен курăксем çулнă. 13 хуçалăхра пĕр çул ỹсекен курăксене çулса пĕтернĕ. ; Районĕпе 6320 тонна утă, 33510 тонна сенаж пур. "Урожай" колхоз 868 тонна, "Слава" ялхуçалăх кооперативĕ 750 тонна утă хатĕрленĕ. "Труд", "Восток", "Пайгас" ялхуçалăх кооперативĕсенче 3800-3000-шер тонна, "Асаново", "Урожай", "Луч" хуçалăхсенче 2000-шер тонна ытла сенаж янтăланă.

Первоисточник: "Каçал Ен"