Хаçатра пĕлтернĕччĕ ĕнтĕ, патшалăх техника надзорĕ тата ГИБДД уйрăмĕ август уйăхĕнче "Трактор" операци ирттереççĕ. Эпир рейда тухрмăр. Чылай хуçалăхра пулса куртăмăр, тракторсене чарса тĕрĕслерĕмĕр. Шел пулин те, йĕркене пăсса çула тухакан механизаторсене тĕл пултăмăр. Трактора удостоверенисĕр тытса пыраççĕ, электрооборудовани юсавсăр. Хăшпĕр тракторсем çинче хыçалалла пăхмалли тĕкĕр çук. Номерсĕр çỹрекенсем те пур. Прицеп çинче çынсем лартса çỹрекен механизаторсене те чарма тиврĕ. Трактора чĕртсе янă чухне хускалса каясран асăрханмалли хатĕр №блокировка№ çукки инкек кăларса тăратни пирки техника тĕрĕслевĕ вăхăтĕнчи канашлусенче те, калаçусенче те аса илтерсех тăнă. Çав-çавах блокировкăсăр тракторсем тĕл пулаççĕ. Уйрăм çынсен чылай техника хатĕрĕ техосмотр тухман. Вĕсем пирки çирĕпрех мерăсем йышăнма тивĕ. Çавăнпа та васкамалла. Рейд вăхăтĕнче 24 протокол çырнă, 1900 тенкĕ штраф панă. "Трактор" операци малалла пырать.

Первоисточник: "Каçал Ен"