Комсомольски 2-мĕш вăтам шкулĕ çумĕнчи Чăваш патшалăх университечĕпе килĕшỹ туса уçнă лицей №профильлĕ№ класĕсенчен кăçал 44 ача вĕренсе тухрĕ. Вĕсен шутĕнче 4 ача шкула ылтăн медальпе №Екатерина Скворцова, Леонид Серебров, Мария Сорокина, Екатерина Осипова№, 2 ача кĕмĕл медальпе №Мария Белобаева тата Мария Шкаблева№ пĕтерчĕç. Чăваш Республикин Президенчĕн стипендине тивĕçнĕ Роман Тихонов та лайăх кăтартусемпе палăрчĕ. Ачасемпе кашни эрнерех университет вĕрентекенĕсем ĕçлени харама каймарĕ: 44 ачаран 38-шĕ бюджет шучĕпе №тỹлемесĕр№ аслă шкулсене вĕренме кĕме пултарчĕ. Вĕсенчен 27-шĕ _ Чăваш патшалăх университетне, 7-шĕ _ Чăваш патшалăх педагогика университетне, 2-шĕ _ Шалти ĕçсен пайĕн академин филиалне, пĕрер вĕренекен Санкт-Петербургри гуманитари университетне тата Мари Республикин техника университетне вĕренме кĕчĕç. Унсăр пуçне икĕ вĕренекен тỹлевлĕ майпа, пĕри куçăмсăр майпа №заочно№ тата виççĕшĕ вăтам пĕлỹ паракан колледжсене вĕренме кайрĕç. Кашни çулах лицей класне пĕтерекенсен 90 проценчĕ тỹлевсĕр вĕренме кĕрет. Кăçал та çак кăтарту аван. Çакăн пек çитĕнỹсем ачасене те, ашшĕ-амăшĕсене те, паллах, савăнтараççĕ. Тỹлесе аслă шкултан вĕренсе тухма халĕ сахалтан та 100 пин тенкĕ укçа кирлĕ. Тỹлевсĕр вĕренни ача çемьешĕн çавăн чухлĕ укçа ĕçлесе илнĕ пекех пулать-çке. Ку çитĕнỹре ачасем тăрăшни те, ашшĕ-амăшĕсем пулăшни те, вĕрентекенсен тỹпи те пур. Тата лицей класĕсене пĕтерекенсене район администрацийĕ тĕллевлĕ хут №целевое направление№ пани те пулăшать. Çакăншăн ашшĕ-амăшĕсем район администрацийĕн пуçлăхне Г.Ф.Волкова тата вĕрентỹ управленийĕн начальникне Н.А. Максимова тав тăваççĕ. Шанас килет, кăçал та лицейăн 10-мĕш класне чăн-чăнах вĕренес, çирĕп пĕлỹ илес текен ачасем пырĕç, эпир вĕсене хапăл тусах кĕтетпĕр.

Первоисточник: "Каçал Ен"