"Труд" кооператив ĕçченĕсем, Минатуллин №"Комсомольская" агрофирма пулнă№ тата "Кызыл сабанча" фермер хуçалăхĕсем шăматкун, августăн 21-мĕшĕ тĕлне вырма ĕçĕсене пĕтĕмпех вĕçлерĕç. Ку хуçалăхсенче пур ĕçе те тивĕçлĕ шайра йĕркелесе хỹхĕм çитĕннĕ тырпула хăвăрт, пысăк пахалăхпа пухса илчĕç. Вырса çапнă хирсенчи улăма çийĕнчех прес-ласа пычĕç, халăха валеçсе параççĕ. Механизаторсем хăйсен тивĕçне чыслăн пурнăçлани, техника пĕр кăлтăксăр ĕçлени уй-хирти ĕçсене лайăх çанталăкра пурнăçлама май пачĕ, йĕтемсем çине типĕ тырă килчĕ. Улăмран пушаннă уйсенче сухалакан тракторсем кĕрхи çĕртме тăваççĕ. Акă, "Труд" кооперативра 200 гектар сухаланă та ĕнтĕ. Асăннă хуçалăхсене, вĕсен ĕçченĕсене, руководителĕсене В.П.Николаева, М.Р.Минатуллина, М.Г.Шарафутдинова ĕçе пĕлсе йĕркелесе вырма тапхăрне вĕçленĕ ятпа ăшшăн саламлатпăр, ăнăçу сунатпăр.

Первоисточник: "Каçал Ен"