Хальхи вăхăтра районти чылай пенсионерăн пенси виçи Раççейри пурăнмалли укçа шайне те çитеймест. Паян çак сумма Раççейĕпе 1798 тенкĕпе танлашать. Пенсионерăн тупăшĕ сахаллине шута илсе Пенси фончĕ ĕçлемен пенсионерсене çутçанталăк газĕ кĕртме кайнă тăкаксене саплаштарма укçа уйăрнă. Çак тĕллевпе района пурĕ 468 пин тенкĕ килнĕ. Пулăшу шутне кил-çуртри монтаж ĕçĕсем кĕреççĕ. Унсăр пуçне газ хуранĕ, газ счетчикĕ илнине çирĕплетекен чексем кирлĕ, документсемпе пĕрле тăратмалла. Паянхи кун тĕлне газ кĕртнĕ пенсионерсем 47 пин тенкĕ илчĕç. Пурĕ вара районти социаллă хỹтлĕх пайĕ 45 çын списокне 210 пин тенкĕлĕх пулăшма хатĕрленĕ.

Первоисточник: "Каçал Ен"