Районти хуçалăхсем тырра пĕтĕм лаптăк çинчен пуçтарса илчĕç. Пурĕ 16197 тонна тырă çапса тĕшĕленĕ. Уй-хирти улăма 9576 гектар çинчен пухса илнĕ. Кĕр тыррисем акма 2238 гектар çĕр хатĕрленĕ, 1653 гектар акнă.  4521 гектар çинче кĕрхи çĕртме тунă. 

 "Асаново", "Алга" кооперативсенче 20 гектар (10-шар гектар) çинчен хăмла пуçтарнă. 

 Районĕпе пĕр пин гектара яхăн çĕрулми кăларнă. "Рассвет"(70 гектар), "Слава"(50 гектар), Минатуллин фермер хуçалăхĕ (40 гектар), "Асаново"(30 гектар), "Алга" (12 гектар), "Север" (5 гектар) хуçалăхсем çĕрулми анисем çинчи ĕçе вĕçленĕ. ; Çак вăхăт тĕлне "иккĕмĕш çăкăрăн" вăтам тухăçĕ гектар пуçне 176 центнерпа танлашать. "Слава картофелю" агрофирмăра ку кăтарту 263 центнерпа, "Слава" кооперативра - 254, "Урожайра" - 205, "Лучра", "Рассветра"- 200-шер, Минатуллин фермер хуçалăхĕнче 188 центнерпа танлашнă. ; "Север" кооперативра 5 гектар çинчен пурĕ те 150 центнер (гектартан 30 центнер) анчах çĕрулми пухса кĕртнĕ.

"Слава" кооперативра сахăр кăшманĕ 70 гектар çинчен 1700 тонна кăларса илнĕ. Гектар тухăçĕ - 243 центнер.  Минатуллин фермер хуçалăхĕнче те сахăр кăшманĕн хирĕнче хĕрỹ ĕç пуçланнă - 5 гектар кăларнă. Хальлĕхе хуçалăх складне 690 центнер кăшман кĕнĕ.