Нумаях пулмасть Семипалатинск хулинче (Казахстан) тĕрĕк юррисен Пĕтĕм тĕнчери "Иртыш" конкурсĕ пулса иртнĕ. Унта пирĕн ентеш, "Ачасен Комсомольскинчи искусство шкулĕ" муниципаллă вĕрентỹ учрежденийĕн преподавателĕ Ильдус Шайдуллин гран-при çĕнсе илнĕ. Пирĕн тата кỹршĕллĕ районсенче пурăнакансем Ильдуса пĕчĕкренех лайăх пĕлеççĕ. Вăл уçă та янăравлă сасăпа юрланă юрăсем кашнин чун-чĕрине хускатнă. Ильдус пирваях ачасен районти искусство шкулĕн тутар фольклор уйрăмне пĕтернĕ. Кайран культурăпа искусствăн Хусанти патшалăх университетĕнче вокал уйрăмĕнче №Раççей тата Тутарстан Республикин халăх артисткин Венера Ганеева профессорăн класĕ№ вĕреннĕ. Халь И.Шайдуллин хăй пĕлỹ илнĕ шкултах çамрăк ăрăва вĕрентет. Искусство тĕнчинче пысăк ỹсĕм тунă ятпа эпир ăна чун-чĕререн саламлатпăр, малашне те çитĕнỹсем сунатпăр. 

Первоисточник: "Каçал Ен"