Комсомольски районĕн "Çĕр тата çынсем" халăх музейне çĕнĕрен те çĕнĕ куравсем килсех тăраççĕ. Нумаях пулмасть А.Ластухинпа А.Иванов коллекционерсен "Лĕпĕшсем тата нăрăсем" куравĕ çынсене хăй патне илĕртрĕ. Тĕнчен пур кĕтесĕнче те пурăнакан лĕпĕшсемпе нăрăсемпе паллашма пултарчĕç районта пурăнакансем. Халĕ вара сентябрĕн 16-мĕшĕнче çĕнĕ курав- "Притяжение Родины" уçăлчĕ. Ку выставкăна СССР летчик-космонавчĕ, икĕ хутчен Совет Союзĕн Геройĕ А.Г.Николаев 75 çул тултарнă тĕле хатĕрленĕ. А.Г.Николаев Комсомольски районĕнче 2 хутчен пулса курчĕ. Ку пирĕн районти çынсемшĕн питĕ пысăк чыс-сум. Шăпах çак самантсем В.Исаев, В.Шемаров, Г.Верблюдов, Н.Зверев сăнỹкерчĕкĕсенче сăнланса юлнă та ĕнтĕ. Çĕнĕ курав пĕр уйăх ĕçлет. Курма кăмăл тăвакансене пурне те "Çĕр тата çынсем" халăх музейне чĕнетпĕр.

Первоисточник: "Каçал Ен"