Сентябрĕн 22-мĕшĕнче районти ветерансен совечĕн президиумĕн ларăвĕ иртрĕ. Кун йĕркинчи тĕп ыйтупа- октябрĕн 1-мĕшĕнче Ваттисен кунне йĕркелесе ирттересси пирки- ветерансен районти совечĕн председателĕ Ю.С.Тимофеев тухса калаçрĕ. Иртнĕ çул нумай организаципе предприятисенче, хуçалăхсенче Ваттисен уявне питĕ лайăх паллă турĕç. Уйрăмах райпори, "Кооператор" производство комбинатĕнчи, 1-мĕш вăтам шкулти, "Дружба" хуçалăхри ветерансем хăйсен уявне çỹллĕ шайра ирттерме пултарчĕç. Анчах та 2002 çулхи пекех, 1-2 организаци Ваттисен кунне паллă тумасăр юлаççĕ. Ветерансене пĕрле пухмаççĕ, укçа-тенкĕ те уйăрмаççĕ. Хăйсен организацийĕнче ĕçлесе тивĕçлĕ канăва тухнă-çке вĕсем. Епле манмалла çакна( Çак хуçалăхсен ертỹçисем хăйсем ватăлмаççĕ-ши) Акă, "Тав" фирма "Эмитрон" заводра ĕçлесе пенсие тухнисене те уяв йĕркелесе парать. М.Минатуллин фермер "Комсомольский" совхозра ĕçленисене манса каймасть. Уншăн ăна ваттисем тав тăваççĕ. 1-мĕш шкулти ветерансен совечĕн председателĕ Г.А.Титов спонсорсем пулăшнипе уяв ирттерме май тупать. Президиум ларăвĕнче райадминистрацин социаллă хỹтлĕх пайĕн заведующийĕ И.А.Никитина "Ветерансем çинчен" саккун районта епле пурнăçланса пыни çинчен тухса калаçрĕ. РФ Пенси фончĕн районти управленийĕн начальникĕ З.В.Каринкина пенси тỹлес йĕркесем, çĕнĕлĕхсем пирки каласа пачĕ

Первоисточник: "Каçал Ен"