К.Антонов тата И.Кабалин микрорайонĕсене газпа хутса ăшăтма тытăнни нумай хăтлăх кỹчĕ. Халĕ çынсем унч-ченхи, кăмрăкпа хутса ăшăтнă вăхăтри пек, хваттерсенче шăнса лармаççĕ ĕнтĕ. Иртнĕ эрнере котельнăйсене хĕле мĕнле хатĕрленине комисси пăхса тухрĕ. Икĕ микрорайонти котельнăйсем те хĕле хатĕр тесе палăртрĕ. Чăнах та, кунта газ хуранĕсем хатĕр, киввисене çĕннисемпе улăштарнă. Операторсене Комсомольскинчех вĕрентеççĕ. Унчченхи пек Шупашкара кайса çỹремелле мар. Çавах та иккĕленỹллĕ шухăшсем те палăраççĕ. Газпа хутса ăшăтсан та уншăн тỹлесси чакмарĕ. И.Кабалин микрорайонĕнче иртнĕ хĕл çĕркăмрăкĕпе хутрĕç. Унăн тăкакĕ пысăк. Çавăнпа та çак тăкака пурин çине те пĕр пек пайласа яраççĕ. К.Антонов микрорайонĕнче пурăнакансене те çĕркăмрăкĕ хутса ăшăтнă пек тỹлеттереççĕ пулмалла. Счетчиксем мĕн чухлĕ газ çуннине кăтартмаççĕ-шим? Газовиксен бригадисем питĕ ерипен ĕçлесе хваттерсене ăшăтайманшăн халĕ çынсем айăплă пулчĕç. "Равноправи" туса хунă коммуналлă хуçалăхра ĕçлекенсем. "Пирĕн тăкаксене ăçта чикмелле,"- теççĕ пулмалла. Укçа шута юратать. Хваттерсене ăшăтнăшăн тỹлессинче йĕрке тумаллах. Тата шăтăк-шатăк кивĕ пысăк котельнăйне те хĕлĕпех ăшăтса тăраççĕ. Апла пулсан кивĕ çуртăн шăтăкĕсене питĕрмелле, чỹречисене хупламалла. Нумай тăкак та кирлĕ мар. Коммуналлă хуçалăхăн хуçисем тăрăшнинчен çеç килет.

Первоисточник: "Каçал Ен"