Чăваш Республикин Президенчĕ Н.Федоров 2005 çула Садсемпе парксен çулталăкĕ тесе пĕлтерчĕ. Питĕ кирлĕ те вăхăтлă Указ ку. Урамсен, ялсен тирпей-илемĕ пирки тăрăшнă май, тепĕр чухне çутçанталăкри çак кĕтессем тимлĕхсĕр юлни те пулать-çке. "Садсемпе парксен çулталăкĕ çинчен" Указа пурнăçа кĕртмелли плана район администрацийĕн ларусен за-лĕнче сентябрĕн 27-мĕшĕнче сỹтсе яврĕç. Канашлăва райцентрти учрежденисемпе организацисен, предприятисен руководителĕсем, ял администрацийĕсен пуçлăхĕсем, шкулсен директорĕсем хутшăнчĕç. Район администрацийĕн пуçлăхĕ Г.Ф.Волков Указа пурнăçлас тесе мĕнле мероприятисем ирттермеллине, уйрăмах хăш вырăнсенче ĕçлемеллине палăртрĕ. Чăваш Республикин бюджетĕнче çак ĕçсем валли 20 миллион тенкĕ уйăрма пăхнă. Кĕркунне _ йывăç-тĕм ларт-малли чи лайăх вăхăт. Комсомольски вăрман хуçалăхĕн директорĕ Л.Р.Романов питомникра 1 миллион та 300 пин тĕп йывăç калчи пуррине пĕлтерчĕ. Кама кирлĕ çак материал _ вăрман ĕçченĕсем пурин кăмăлне те тивĕçтерĕç. Ял вăрман хуçлăхĕнче ĕçлекенсем те пулăшу пама хатĕр. "Ялхуçалăхĕнче усă курма пăрахнă, пушă выртакан çĕрсем пур, мĕншĕн çавсене вăрман лартас мар("_ терĕ Геннадий Федорович. Хисеплĕ вулакансем, район çыннисем! Эсир те Садсемпе парксен çулталăкне хапăлласа йышăнасса, тавралăха симĕс тум кỹрессинчен айккинче юлмасса шансах тăратпăр. Çутçанталăк илемĕ хамăршăн-çке. Сирĕн тăрăхри садсемпе парксене илемлетес, хăтлатас тесен мĕн тумалли пирки ял администрацийĕсене, район администрацине хăвăр сĕнĕвĕрсене çитерме пултаратăр.

Первоисточник: "Каçал Ен"