Минатуллин фермер хуçалăхĕнче кăçал çĕрулмине 40 гектар çинче çитĕнтернĕ. Ăна кĕске вăхăтра пуçтарса кĕртнĕ, кашни гектар тухăçĕ 188 центнерпа танлашнă. Ун хыççăн вара сахăр кăшманĕн уйĕнче хĕрỹ ĕçсем пуçланнă. Унăн лаптăкĕ 50 гектар, кунсерен хирте 100-120 çын вăй хунă. Кунта кăшман кăларакансене Олег Такмаков механизатор йăрансене çем-çетсе парса тăнă. Вячеслав Жуков трактористпа Эсет Акшов водитель кăларнă, каснă кăшмана хиртен турттарнă çĕрте тăрăшнă. Паян ку уйра пĕтĕм ĕçсене вĕçленĕ. Сахăр кăшманне кашни гектартан 200 яхăн центнер пухса илнĕ. Ăна халĕ Ульяновск облаçĕнчи Чăнлăри сахăр заводне ăсатаççĕ.

Первоисточник: "Каçал Ен"