Нумаях пулмасть культура учрежденийĕсен ертỹçисен семинарĕ пулса иртрĕ. Унта культура учрежденийĕсене кĕрхи тата хĕллехи условисенче еплерех ĕçлеме хатĕрлени пирки калаçрăмăр. Çавăн пекех халĕ республикăра "Илеме хамăр алăпа тăватпăр" смотр пырать. Çавна май культура учрежденийĕсен ĕçченĕсем тĕрлĕ альбомсем, материалсем хатĕрлеççĕ. Вĕсене октябрĕн 15-мĕшĕччен районти культура тата çамрăксемпе ĕçлекен пая çитереççĕ. Комисси çак материалсене пăхса тухса чи ла-йăххисене республикăри смотра тăратать. Çак ыйтусем çинче культура тата çамрăксемпе ĕçлекен пай начальникĕ В.С.Васильев, З.С.Мельникова специалист чарăнса тăчĕç. Юлашки вăхăтра пирĕн çĕршывра терроризм вăй илме пуçларĕ. Çакна Ингушетири, Мускаври, Осетири Бесланри трагедиллĕ ĕçсем те çи-рĕплетеççĕ. Çавна май культура ĕçченĕсен те терроризма хирĕç кĕрешсе мĕнлерех ĕçсем тумаллине пĕлмеллех. Ку енĕпе чрезвычайлă лару-тăру тата гражданла оборона пайĕн районти начальникĕ Н.А.Хайруллов тухса калаçрĕ. Çавăн пекех семинарта октябрĕн 8-9-мĕшĕсенче ирттерекен субботниксене активлă хутшăнмалли, культура учрежденийĕсем умне ытларах йывăç лартмалли пирки каларĕç.

Первоисточник: "Каçал Ен"