Иртнĕ вĕренỹ çулĕнче Пĕтĕм тĕнчери физика предметне вĕрентекенсен "Эпĕ урока каятăп" конкурсăн I тапхăрĕ пулса иртрĕ. Ку конкурса Хирти Явăш вăтам шкулĕнчен В.Ф.Григорьев хутшăнса "Мастер" ятне илме тивĕçлĕ пулчĕ. Вениамин Фомич ку конкурса 11-мĕш классемпе вĕрентмелли "Хура ещĕк вăрттăнлăхĕ" темăпа ирттернĕ урок тытăмĕпе паллаштарнă. Ку пĕтĕмлетỹ урокĕ пулнă. Урокра вĕрентекен "хура ещĕкĕн" вăрттăнлăхĕпе тытăмĕ çинчен каласа, кăтартса панă. Чăн-чăн шыравпа тĕпчев урокĕ. Республикăри конкурса ытти шкулсенчен кайнă физик-вĕрентекенсем те пултаруллă пулни курăннă. Хырхĕрринчи Геннадий Николаевич Петровпа Комсомольски пĕрремĕш вăтам шкулĕнчи  Вениамин Николаевич Петрова жюри членĕсем пулма суйланă. Районти вĕрентỹ управленийĕ В.Ф.Григорьева конкурсра çĕнтернĕ ятпа ăшшăн тав тăвать, ĕçре, вĕрентỹре пысăк çитĕнỹсем тума ырлăх-сывлăх сунать.

Первоисточник: "Каçал Ен"