Районти хуçалăхсем талăкра кашни ĕнерен 7,6-шар килограмм сĕт суса илеççĕ, ку кăтарту, пĕлтĕрхипе танлаштарсан, 100 грамм сахалрах. Апла пулин те эпир сĕт сăвассипе республикăра иккĕмĕш вырăнта пыратпăр, етĕрнесемпе танлаштарсан, кунсерен 200 грамм (вĕсен кăтартăвĕ 7,8 килограмм) каярах сĕт сăватпăр. Паян "Рассвет" кооператив дояркисен ĕнисем талăксерен 14,7-шер килограмм сĕт антараççĕ, пĕлтĕрхинчен чылай нумайрах. "Слава", "Луч", "Асаново", "Восток" хуçалăхсенчи сĕт-çу фермисен кăтартăвĕсем те пысăк, вĕсенче кашни ĕнерен талăксерен 11_14-шар килограмм сĕт сăваççĕ. Уйрăмах "Луч" кооператив сĕт суса илессине, пĕлтĕрхипе танлаштарсан, нумай ỹстернĕ. Паянхи кăтартăвĕ _ 11,7 килограмм, пĕлтĕрхи 7,5 килограмм пулнă. Апла пулсан мĕншĕн-ха пĕрисен кăтартăвĕ района малалла туртса пырать, теприсен _ чакарать. Акă, "Красный Октябрь", "Победа", "Изамбаево" кооперативсенче паян сăвăм 3 килограма та çитмест. Сăлтавĕсем, паллах, нумай: кĕтĕве çĕнетменни, финансри йывăрлăхсем, фермăсенче ĕçлекенсен яваплăхĕ, выльăха тутлăхлă апатпа тивĕç-терменни, зооветеринари правилисене пăхăнманни тата ытти те. Çăмăл мар условисенче пулсан та тăрăшаççĕ-ха пирĕн фермăсен ĕçченĕсем. Çакна районти кашни кунхи сăвăм та çирĕплетет.

Первоисточник: "Каçал Ен"