Республикăра "Илеме хамăр алăпа тăватпăр" конкурс иртрĕ. Унта клуб учреженийĕсенмпе библиотекăсем, музейсемпе искусство шкулĕсем хутшăнчĕç. Çурт-йĕре, территорисене тирпей-илем кĕртрĕç, юсав ĕçĕсем чылай турĕç. Пирĕн преподавательсемпе вĕренкенсем те искусство шкулĕнчи илемлĕхпе тасалăхшăн, халăхшăн питех те нумай тăрăшрĕç. Вăй хуни сая каймарĕ, республикăри конкурсра пирĕн искусство шкулĕ пĕрремĕш вырăн йышăнчĕ, 30 пин тенкĕ çĕнсе илчĕ. Районти "Çĕр тата çынсем" музей иккĕмĕш вырăна тивĕçрĕ. Çак кунсенче Чăваш телевиденийĕн "Халал" передачи пирĕн шкулта пулчĕ. Кунта тележурналистсемпе операторсем занятисем еплерех иртнине ỹкерчĕç. Çакна вĕсем çитес вырсарникун, декабрĕн 5-мĕшĕнче ирхине 11 сехет те 10 минутра Чăваштелевиденийĕпе кăтартаççĕ. Пирĕн шкул çине тимлĕх уйăрни пире савăнтарать, çĕнĕ ỹсĕмсем тума хавхалантарать.

Первоисточник: "Каçал Ен"