Районта "Çулталăкри чи лайăх çемье 2004" конкурс иртнĕ. Унта ялсенчи пултаруллă, лайăх енчен палăрса тăракан çемьесем хутшăннă. Конкурсра мăшăрсен хăйсене тĕрлĕ енчен кăтартса пама тивнĕ. Чи нумай балл пуçтарса унта Надеждăпа Николай Волковсем çĕнтернĕ. Ку мăшăр район больницин васкавлă пулăшу уйрăмĕнче вăй хурать. Вĕсем 2 ывăл çитĕнтереççĕ. Районти конкурс çĕнтерỹçисем çак кунсенче республикăра çакăн евĕр ăмăртăва хутшăнма хатĕрленеççĕ. Конкурсра Анат тимĕрчкассинчи Плешковсен, Нĕркеçри Волковсен çемйисем те лайăх енчен палăрнă.

Первоисточник: "Каçал Ен"