Инвалидсен кунне уявланă май, декабрĕн 3-мĕшĕнче районсенче те, республикăра та тĕрлĕрен спорт ăмăртăвĕсем ирттереççĕ. Акă, çак кунсенче социаллă хỹтлĕх пайĕ пирĕн районти инвалидсене- спорта юратакансене - Çĕнĕ Шупашкара илсе кайрĕ. Аслăраххисем хушшинче вăй виçсе республикăри ăмăртусенче Аслă Çĕрпỹелĕнче пурăнакан Надежда Алексеевна Трофимова тата Артем Вячеславович Андреев шашка-шахмат хăмисем çинче аван кăтартусем турĕç. Ăмăртусен положенийĕ тăрăх, ачаран инвалидсем çак ăмăртусене пирĕн районтан пиллĕкĕн хутшăнчĕç. Александровка ял администрацийĕнчен кайнă Алексей Михайлов шашкăлла выляса республика чемпионĕ пулчĕ. Каласа хăвармалла, аслăрах инвалидсем хушшинче Надежда Трофимова шахматпа, Артем Андреев дартс, теннис вăййисенче республикăра та чи пултаруллисем пулчĕç. Игорь Петров (Вăрманхĕрри Чурачăкран) сĕтел çинчи теннисла выляса республикăра 4-мĕш вырăн йышăннине те аван кăтарту тесех шутламалла. Çак ăмăртусем республикăри VI фестиваль программипе иртрĕç. Спортсменсене ăнăçлă кун-çул сунатпăр. 

Первоисточник: "Каçал Ен"