Комсомольский муниципальный округ
Çĕнтерỹ ячĕпе
2005 çулта Аслă Çĕнтерỹ пулнăранпа 60 çул çитет. Çавна май тĕрлĕ мероприятисем иртеççĕ. Акă, декабрĕн 26-мĕшĕнче районта "Çĕнтерỹ салючĕ" ятпа фестиваль иртет. Комсомольскинчи культура çуртĕнче малтанах Аслă Отечественнăй вăрçă ветеранĕсемпе тĕлпулу пулать. Кайран вĕсене савăнăçлă лару-тăрура чыслаççĕ. Уяв программи анлă. "Çĕр тата çынсем" музей ĕçченĕсем вăрçă ветеранĕсем çинчен выставка, библиотекăсенче тăрăшакансем электронлă презентаци ирттереççĕ. Культура ĕçченĕсемпе художествăлла пултарулăх коллективĕсем концерт лартаççĕ. Уяв ирхине 10 сехетре пуçланать. Унта Аслă Отечественнăй вăрçă ветеранĕсем активлă хутшăнасса шанас килет.
"Каçал Ен"