Çак кунсенче районти вĕрентỹ управленийĕн диагностикăпа консультаци центрĕнче шкулсенчи педагог-психологсен, учитель-логопедсен тата социаллă педагогсен черетлĕ ларăвĕ пулса иртрĕ. Ăна районти методика пĕрлешĕвĕн ертỹçи, Комсомольски иккĕмĕш вăтам шкулĕнчи педагог-психолог Е.Г.Ильина ертсе пычĕ. Малтанах вăл "Вĕрентĕве çĕнетес ĕçре ачасене психологипе педагогика енчен пулăшса пырасси" ятлă методика кăтартăвĕсемпе паллаштарчĕ. Ун хыççăн Л.В.Павлова логопед "Селĕп ачасене илемлĕ вулама вĕрентесси" темăпа калаçрĕ. Диагностикăпа консультаци центрĕн директорĕ В.И.Кириллов Чăваш Республикинчи Вĕрентỹ тата çамрăксен политикин министерстви йышăннă психологи службин тытăмĕпе паллаштарчĕ. Пухăннисем вĕрентỹпе воспитани ĕçĕнчи чылай ыйтусем çинче чарăнса тăчĕç, тивĕçлĕ йышăнусем турĕç.

Первоисточник: "Каçал Ен"