Çак кунсенче районти шкулсенче вĕренекен пултаруллă ачасем Комсомольски 1-мĕш вăтам шкулне пуçтарăнчĕç. Кунта армреслинг (ал вăйĕпе тупăшасси) енĕпе мала тухассишĕн ăмăртусем пулса иртрĕç. Çивĕч тытăçусене вăтам тата пĕтĕмĕшле пĕлỹ паракан тĕп шкулсен командисем хутшăнчĕç. Акă, Комсомольски 2-мĕш вăтам шкулĕн команди 40 балл пуçтарса пĕрремĕш вырăн çĕнсе илчĕ. Иккĕмĕш призер хуçисем- Асанкасси вăтам шкулĕнче вĕренекенсем, вĕсен 27 балл. Аслăчурачăксем, 23 балл пухса, виççĕмĕш вырăна тивĕçрĕç. Пĕтĕмĕшле пĕлỹ паракан тĕп шкулсен командисем хушшинче йăлмахвасем чи вăйлисем пулчĕç- 45 балл пуçтарса чемпион ятне çĕнсе илчĕç. Хирти Сĕнтĕр тата Александровка шкулĕсен командисем 25-шер балл пуçтарса иккĕмĕшпе виççĕмĕш вырăнсене йышăнчĕç.

Первоисточник: "Каçал Ен"