Нумаях пулмасть Комсомольски 1-мĕш вăтам шкулĕнче 8-11-мĕш классенче вĕренекенсем хушшинче математика, информатика тата право предмечĕсемпе олимпиадăсем пулчĕç. Унта пур шкулсенче вĕренекенсем те хутшăнчĕç. Информатикăпа пĕрремĕш вырăна Ком-сомольски 1-мĕш вăтам шкулĕнчи Павел Зайцев йышăнчĕ, вăл 42 балл пухрĕ. Аслă Çĕрпỹелĕнчи Эльвира Петухова иккĕмĕш, Тăманлă Выçлири Людмила Самаркина виççĕмĕш вырăнсене тивĕçрĕç. Лицей класĕсем хушшинче Константин Перьев, Наталья Архипова, Михаил Арсентьев малти вырăнсене йышăнчĕç. Математикăпа 11-мĕш классем хушшинче Кĕçĕн Çĕрпỹ-елĕнчи Дария Евграфова, Елена Тарасова, Тăманлă Выçлири Олеся Фадеева чи пултаруллисем пулчĕç. Лицей класĕнче вĕренекенсенчен Николай Шурбин çĕнтерчĕ. Алексей Кузьмин иккĕмĕш, Алексей Автономов виççĕмĕш вырăнсене тухрĕç. 10-мĕш классем хушшинче Тăманлă Выçлири Ольга Логинова- пĕрремĕш, Нĕркеçри Николай Ефремов- иккĕмĕш, Комсомольски 1-мĕш вăтам шкулĕнчи Сергей Сорокин виççĕмĕш вырăнсене тухрĕç. 9-мĕш классем хушшинче Комсомольски 1-мĕш вăтам шкулĕнчи Василиса Сумзина, 2-мĕш вăтам шкулĕнчи Елена Григорьева, Тăманлă Выçлири Светлана Алексеева палăрчĕç. 8-мĕш классем хушшинче Комсомольски 2-мĕш вăтам шкулĕнчи Игорь Кузьмина, Екатерина Даниловăна, Аслă Чурачăк тата Кĕçĕн Çĕрпỹел вăтам шкулĕсенчи Ярослав Никифорова, Виталий Белинова çитекенни пулмарĕ. Право предмечĕпе 9-мĕш классенче вĕренекенсем тупăшрĕç. Комсомольски 1-мĕш вăтам шкулĕнчи Людмила Челакова- пĕрремĕш, Вăрманхĕр-ри Чурачăк тĕп шкулĕнчи Евгений Петров- иккĕмĕш, Хырхĕрри вăтам шкулĕнчи Лилия Вахитова виççĕмĕш вырăнсене йышăнчĕç. Районти вĕрентỹ управленийĕ çак предметсемпе олимпиадăна хутшăннă тата унта çĕнтернĕ ачасене ăшшăн саламлать, малашне тата пысăкрах ỹсĕмсем тума сунать.

Первоисточник: "Каçал Ен"